तलासरी : पालघर जिल्हा परिषदेच्या मुख्य कार्यकारी अधिकारी निधी चौधरी यांनी तलासरी तालुक्यातील वसा येथील ‘एल अँड टी’मार्फत तयार करण्यात आलेल्या सुनील कोम अनुदानित माध्यमिक आश्रमशाळेच्या विद्यार्थिनींच्या नवीन वसतिगृहाचे उद्घाटन केले. त्यांनी वसा येथील प्राथमिक आरोग्य केंद्रालाही भेट दिली. तसेच वसा येथील घरकुल व प्रधानमंत्री आवास योजनेअंतर्गत बांधण्यात आलेल्या घरांचीही पाहणी त्यांनी केली. काटेल पाडा वेवजी येथील शाळेलाही चौधरी यांनी भेट दिली.
